من اجمل قصائد الامير خالد

السلام عليكم ورحمة الله وبركاته

هذي القصيده للمبدع الامير خالد الفيصل
حبيت انكم تقروها



فزَّ الخفوق وقلت ياالله عسى خيــر
أثـر الَّليالي عـاد غـايـب قــمرهــــا

مع شوفته نشوه وفـزَّه وتخديـــــر
وعـيون خـلاَّنٍ تعـانـق نظـرهــــــا

يفــزَّ له قـلبي كـمـا فــزِّة الطَّــيـــر
والرِّجل كن الَّلي تحتها غدرهــــــا

ياصبح عمري ياصباح التِّباشيـــر
نوره ملا قلبي وروحي غمرهـــــا

عقب الفراق الَّلي تعدَّى المحاذيــر
يبَّس غصون القلب جافي دهرهــا

ربَّع بروحي عقب ماهي معاسيـــر
سحابة هــلَّـت بقــلبـي مطــرهــــا

وأسقى بها زرعة هوانـا بتقديــــر
غرسـة غـرامٍ بالمحبَّـه بذرهـــــــا

ياعاذليـن العيـن والله مخاسيــــــر
والَّلي درى عن حال عيني عذرهـا

تشوم عيني عن جميـع الغناديــــر
وإن ناظرت عيني فؤادي نهرهــــا

ياناس أحبَّـه والمحبَّـه مقاديـــــــر
هذا هوى نفسي وهـذا قــدرهـــــــا

والحب ماله ياهل الحب تفسيــــــر
قـلبيـن والله بالمحـــبَّــه أمـرهـــــا

لى جيت أصوَّر حالة الحب تصوير
وأرد عن حالي لخلِّـي خــبــرهـــــا

لقيت وجدي فوق كل التعـــابـيــــر
كل الشِّعر قطره وشوقي بحــرهـــا

صح السانه..

واشكرك على هذا الاختيار الرائع في القصيدة..

دمتي بكل خير..

وفقك الله..

لما يحبة ويرضاهـ..

يسلمو ع الطرح الروعه

ويعطيك العافيه

لك التحية

الله علييك اختيار ولا اروع



يسلمؤؤؤؤؤ