منتدى مرهف الاحساس للتصميم ... ملتقى المصممين المبدعين



أهلا بكزائر لديك 21 مساهمة آخر زيارة لك
 
الرئيسيةبوابهمكتبة الصورس .و .جبحـثقائمة الاعضاءالمجموعاتالتسجيلدخول
السلام عليكم ورحمة الله وبركاتة .. اهلا وسهلا بكم معنا في موقع مرهف الاحساس للتصميم والدعم الفني اسعدتنا زيارتكم وان شاء الله دائماًم ما تقطعوننا .. دمتم بكل خير وبالتوفيق للكل..
الصفحة الرئيسية المجلة لوحة التحكم الرسائل البحث   قائمة الاعضاء اتصل بنا  مركز رفع الصور  خروج

اهلا وسهلا بك ياضيفنا العزيز

عزيزي آلزآئر

لـَاننآ نعشق آلتميز و آلمميزين يشرفنآ آنضمآمك معنآ في منتدى مرهفـ الاحساس للتصميم

وحينمآ تقرر آن تبدآ مع منتدى مرهفـ الاحساس للتصميم  ينبغي عليك آن تبدآ كبيرآ .. فآلكل كبيرُُ هنآ . وحينمآ تقرر آن تبدآ في آلكتآبه في  منتدى مرهفـ الاحساس للتصميم ..

فتذكر آن منتدى مرهفـ الاحساس للتصميم يريدك مختلفآ .. تفكيرآ .. وثقآفةً .. وتذوقآ .. فآلجميع هنآ مختلفون ..

نحن ( نهذب ) آلمكآن ، حتى (  نرسم  ) آلزمآن !!

||

 لكي تستطيع آن تتحفنآ  [ بمشآركآتك وموآضيعـك معنآ ].. آثبت توآجدك و كن من آلمميزين..

بالضغط هنا 


شاطر | 
 

 مكتبة الشعر الحلمنتيشي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هتلر
مبدع .. بحق
مبدع .. بحق


أحترام القوانين :
ذكر
عضـِـوْيُتـًے• : 159
مشآرڪآتي• : 669
مْـوَـآضْـيَـعے• : 334
بُـلاآآدٍيـے• :

مُساهمةموضوع: مكتبة الشعر الحلمنتيشي   25/5/2011, 7:01 am

مكتبة الشعر الحلمنتيشي


--------------------------------------------------------------------------------



مذكرات يائس

أنا لقمه بايته جنب حيطه في حته ضلمه أكلها كلب
أنا نكته بايخه أو عبيطه سمعها واحد مات وطب
أنا بيض ممشش ريحته وحشه ونحس دايم مستمر
أنا طير معشش في الترب فكر في مره يستقر
انا صوت بعيد دبحة وريد وشوكه في زور واحد جعان
انا طبعا غير فنان فريد وبيطلق لمشاعره العنان
أكيد هقول في مره لأ وأقوم وأقف على رجلي
لقيت طلعلي في رجلي شق وضعت وراح خلاص حلمي
فكرت في مره اكون شجاع وازعق بصوتي الناس تخاف
و طلعت في الآخر بتاع أو بير غويط جاله جفاف
هييجي اليوم أكيد هييجي وأزحزح الطوبه التقيله
وهبقى محمود المليجي وعمري ما اتنيل بنيله
وعمري ما أضعف أو أإن وهفتري عالخلق كله
ولا عمر يوم يركبني جن وهنسى ماضيه وذله
ولا هبقى طيب أو كريم بالعكس لازم ابقى عنتر
والناس هتبقى عب حليم والباقي يبقى عبله واكتر


حالتي متأخره



حالتي متأخرة ... وحياتي راجعه لورا
أنزل وأديها زقه ... واقفه ومحجرة
طاب بس يا ناس قولو لي ... حلا للمسخرة

مستني معجزة .... مخلوق للنرفزة
كدة أهو من أي حاجة .... وبحب المشورة
حالتي متأخرة

الناس أعصابها باردة .... عايشين تحت المخدة
حتى دقات قلوبهم .... نايمة ومشخرة
حالتي متأخرة

بسأل في ده وده .... جاوبوني مش كدة
ساعدوني مش هينفع .... دة أنا أصلي كوز درة
حالتي متأخرة

دي حياتي يا ناس قرف .... وعايشها للأسف
وأما أحكي لحد عنها .... بيدور كركرة
حالتي متأخرة


نظره مستقبليه



إطلع بقه م المية العكرة وخد غطسين على بره
نضف مخك بص لبكرة وإنسى الماضي لمرة

لف ودور في الأرض الواسعة خد من غيرك عبره
علشان توصل لازم تسعى وتسيبك م الذكرى

كوم القش ده يبقى الدنيا وانت يدوب الإبره
كون الأول نط في ثانية وإطلع سلم بكره

خد بالك دايماً م الفرصه دي ما بتجيش غير مره
يتكون كده موكوس ميت وكسه يا هتكتشف الذره

إوعى تقول بكره هتتعدل ومتمشيش بالقدره
إسعى وربك يوم هيسهل واخرج بقه م القِدره

وأما هتوصل عارف دورك فاكر كنت البذره
ينزل دمعك يسقي جذورك يصبح اسمك شجرة



اديني مطلع أغنية



إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
واحد أخينا من طيبته قاعد يصالح في خطيبته
جايب لها وردة يا خيبته قالت له أروح يا عنيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وجارنا كان حتة فشار فهمني إن أبوه طيار
ده عربجي وأبوه حمًار وأمه اللي شادًه العربيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وأخينا ده جاي مـ المنيا ويقولي جاااي من ألمانيا
ما بان عليه الكدب في ثانيه لابسلي كاب عـالجلابيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وفي مرة باكل طبق الفول في شيء حصل كان مش معقول
أمي قالتلي كفايه بقول شاحتين شوية ملوخية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وسعيد صبارص كان صاحبي في الشدة كنت ألاقيه جنبي
ديتها سهره تراللًي ودماغي ترجع تاني عالية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
أنا كنت يوم فاكر اللحمة فاكر كمان إنها طعمه
نحمدو ونشكرو عالنعمة ويارب خلي الطعمية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
ومرة أخدوني تَحَرِي وقفايا كدة وَرَمْ دوغري
مهمنيش حاجة لأني جوز خالتي صول في الداخلية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وأول ما تدخل حتتنا تقابلك الريحه النتنه
مكتوب هنا على بابا بيتنا ممنوع دخول الحراميه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
ورحت مرة أنا للجزار قلت أشتري فشة وممبار
بفلوسي جاب لي رجل حمار وقاللي تنفع تسقية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية


صديقي الغلبان


مسكين وحاله حال *** بكاني على حاااااله
غلبان وعنده عيال *** والصبر راس ماااااله
وليل نهار شغال *** زي الحمار حاله
ما الارض مش أرضه *** والمال مهوش ماله

شغال وبيحارب *** في الفقر من بيت بااااب
من الحزن ليه نايب *** وإن قال فرح كدااااب
ولربه جه تايب *** وربك التواااااب
رجع اللي كان غايب *** لأهله وعياااااله

مسكين وحاله حال *** بكاني على حاااااله
غلبان وعنده عيال *** والصبر راس ماااااله
وليل نهار شغال *** زي الحمار حاله
ما الارض مش أرضه *** والمال مهوش ماله

والله ماهو عايز *** غير ناس تفكر فييييه
أو حد يوم جايز *** يمسح دموع في عنيييه
غيره مفيش حاسس *** باللي يبات يداريه
غير ربك الحارس *** والجنه باقياااااله

مسكين وحاله حال *** بكاني على حاااااله
غلبان وعنده عيال *** والصبر راس ماااااله
وليل نهار شغال *** زي الحمار حاله
ما الارض مش أرضه *** والمال مهوش ماله


وطـــــــــــــ ـــــــــــاويــــــــــــــــــ ــــــــــــــط



عايشين وطاويط
ساكتين علطول
وإن قلنا كلام فكلامنا عبيط

في نهار نايمين
بالليل صاحيين
ماسكين نبابيت علشان وطاويط

بنقول في كلام
ومهوش مسموع
وإن مره سمعته تقول ظغاريط

جناحتنا خفاف
بالرغم ده كله تشوفنا تخاف
وتخاف من إيه محناش عفاريت

قاعدين بنقول ونعيد ونزيد
بنقول شعارات
وكلام وحديت

وهنعمل إيه ماهو صووت مكتوم
طالع من جوه بحر غويط

وعددنا كبير
ملايين ملايين
والخمسين منا يِمْلُو غَبيط

يضربو لبنان
بغداد وجولان
محناش سامعين أصلنا وطاويط

بننام مقلوب
وعيشيتنا كلها بالشقلوب
وإن مره سمعنا رصاصه نطير
ونهيص ونظييط

بنقوم بالليل نفضل صاحيين
علشان بنخاف كده مـ الديناميت

نسمع في صراخ وعويل نايمين
بتزعقو ليه محناش فاهمين
والله وطاويط

يضربو لبنان يضربو حلوان
لو ضربو الكهف بتاعنا كمان
علطول هنطير
ونروح لبعيد
ونعيش وطاويط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مرهف الاحساس
::.Manager .::
::.Manager .::


أحترام القوانين :
ذكر
عضـِـوْيُتـًے• : 1
مشآرڪآتي• : 3171
مْـوَـآضْـيَـعے• : 1476
بُـلاآآدٍيـے• :

مُساهمةموضوع: رد: مكتبة الشعر الحلمنتيشي   26/5/2011, 3:36 am

جميل ورائع هذا الشعر


دمت بود وسلام




التوقيع الخاص بلعضو




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mrs.English
مشرفة أقسام الأفلام
مشرفة أقسام الأفلام


أحترام القوانين :
انثى
عضـِـوْيُتـًے• : 107
مشآرڪآتي• : 6168
مْـوَـآضْـيَـعے• : 2730
بُـلاآآدٍيـے• :

مُساهمةموضوع: رد: مكتبة الشعر الحلمنتيشي   26/5/2011, 2:08 pm

قصيده وطاويط فظظظيعه بجد



التوقيع الخاص بلعضو














وَيْكَ يا مَنْ رَامَ تَقْييدَ الفَلَك أىُّ نَجْمٍ في السَّما يَخْضَعُ لَك
وطنُ الْحُرِّ سَمًا لا تُمْتَلَك والفتى الحرُّ بِأُفْقِهِ مَلَك
لا عَدَا يا أرضَ مِصْــرٍ بِكى عَاد إنَّنا دُونَ حِمَاكِى أجمعين
لكِ يا مصــرُ السَّلامة وسلامًا يا بلادى
إنْ رَمَى الدهرُ سِهَامَه أتَّقِيها بفؤادى

واسْلَمِى في كُلِّ حين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مكتبة الشعر الحلمنتيشي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مرهف الاحساس للتصميم ... ملتقى المصممين المبدعين :: الاقسام الادبية :: :.عـــــذب الكلام وهمس الخواطر:.-
انتقل الى: