انا ليــه محجــبه ؟!؟!؟

موضوع: انا ليــه محجــبه ؟!؟!؟ 30/6/2010, 12:48 pm

أنا محجبة - بعد إيماني بأمر ربنا إن الحجاب فرض على كل مسلمة - علشان
الأسباب التالية:

علشان انا حرة … مش من
حق حد يشوف مني اللي مش عوزاه يشوفه إلا بإرادتي … ومن حقي اختار مين اللي
يشوف مني أجمل ما عندي .. واللي علشان يشوف ده ويبقى حقه وحلاله بلاله عن
طيب خاطر.. لازم هو كمان يديني مشاعره واللي باقي من عمره عن طيب خاطر…

علشان
أنا غالية .. مينفعش أقلل من قيمة نفسي واخليها عرضة لكل العيون
.. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء
مش متغطي مني .. حتى لو مكنش ده قصدي … بس مش حقدر امنعه … (كامل اعتذاري
لغير المحجبات.. ولكن ده اللي حيوصل منك لضعيفي النفوس حتى لو مكنش ده
قصدك.. وده اللي علشانه ربنا فرض الحجاب .. علشان ميطمعش الذي في قلبه مرض)
… مع الأخذ في الاعتبار انه “كل من هب ودب ده” مش بس الشباب اللي بيعاكس
البنات في الشارع .. ده يتضمن اي حد معدي شاب محترم او رجل او طفل او عجوز
او امراة او فتاة .. كل دول بقى من الممكن انهم يبصوا لي … لأ ده كمان يمكن
ماعجبهمش ويدوروا وشهم إعراضاً … انا ليــه محجــبه ؟!؟!؟ Smile

))))

علشان أنا باحترم نفسي
.. وشايفة نفسي كبيرة قدام نفسي .. ومينفعش أنزل سوق المنافسة في الأنوثة
علشان أفوز في الآخر بنظرة شهوانية أو كلمة غزل رخيصة أو عرض صحوبية

علشان
انا جمالي مش خارجي وبس.. ومن حقي ان اللي ييجي يتجوزني .. واللي
حاديله الباقي من عمري .. واللي هديله كل مشاعري .. واللي حاقاسمه أحلامي
وأفكاري .. واللي حخلف منه ولادي .. وحاربيهم معاه .. مايختارنيش على
مقاييس شكلية وبس .. أو تبقى هي دي العامل الأساسي في أختياره ليا … علشان
كدة مش ضروري يشوفني في كامل زينتي وجمالي قبل ما يتجوزني .. الأهم انه يحب
روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب
لحد ما تتجوز.. على أساسا انها تكون شنكلت واحد وضمنته.. مع إن مفيش حاجة
مضمونة في الزمن ده .. واللي اختارها علشان جمالها .. ممكن قوي يتجوز عليها
واحدة أجمل منها.. لأنه أكيد في الأجمل منها يعني.

5.
علشان أنا باخاف على أخويا في الله اللي بيشوفني في الشغل أو في
الكلية أو في المواصلات أو في الشارع .. ويمكن يكون عاوز يقرب من ربنا ..
وبيجاهد نفسه علشان يغض بصره.. فمرضاش لنفسي اني اكون سبب في اني افتنه..

6.
علشان أنا باشيل هم أخويا في الله اللي نفسه يتجوز ومش
قادر لضعف إمكانياته المادية .. فمش ضروري يعني ازود عليه همومه… وأخيله في
الرايحة والجاية ..

7. ده غير حاجة مهمة كمان …
الكفن بتاع النساء.. فيه حجاب.. فاللي مش حتلبسه وهي حية بإرادتها
طاعة الله.. حتلبسه كدة كدة وهي رايحة قبرها.. وطالما ربنا بيقول اننا
نتستر حتى واحنا رايحين قبورنا وخلاص انتهى التكليف … ومحدش حيشوفنا تاني
ولا حد حيطمع فينا .. يبقى مفيش معنى اننا نمشي مكشوفين لكل العيون واحنا
أحياء نرزق.. يبقى الأولى اطيع ربنا بإرادتي وأقابله وهو راضي عني واخد
أجري كامل.. ولاّ اني ملبسوش غير وانا جثة واقابل ربنا وهو غضبان عليا؟

والأسباب
اللي فوق دي .. هي اللي فهمتني ليه ربنا فرض علينا الحجاب.. مش تعسير ولا
تضييق .. الحجاب فعلا عزة وكرامة.. ميعرفهاش غير اللي داق طعم الستر..

ربنا
يهدينا ويهدي بنات المسلمين

موضوع: رد: انا ليــه محجــبه ؟!؟!؟ 1/7/2010, 2:32 am

جزاك الباري خير الجزاء

واشكرك ع تواصلك الرائع

واشكر اناملكـ التي نقلت لنا ابداعك الجميل

وفقك الله وسدد خطاكـ.....

موضوع: رد: انا ليــه محجــبه ؟!؟!؟ 1/7/2010, 6:26 am

منور يا جميل

موضوع: رد: انا ليــه محجــبه ؟!؟!؟ 2/7/2010, 2:25 am

جوزيتي كل الخير

ويعطيك العافيه

موفقه يالغالي

موضوع: رد: انا ليــه محجــبه ؟!؟!؟ 2/7/2010, 7:02 am

منور

موضوع: رد: انا ليــه محجــبه ؟!؟!؟ 3/7/2010, 3:59 pm

فعلاً موضوع يستحق القرائه ..
شكرا لك يا قمر والى الامام

دمتِ بكل خير.. بالتوفيق..

موضوع: رد: انا ليــه محجــبه ؟!؟!؟ 8/7/2010, 3:08 am

مووووووووووووووووووضوع
تححححححححححححححححححححححححححححححححفه
تححححححححححححححححححححححححفه
تححححححححححححححححححححححححححححححفه
بجد موضوع جميل اوى اوى اوى اوى اوى
ميرسى يا بوسى والحمد لله انا محجبه
ميرسى يا بسنت الى
الامام

موضوع: رد: انا ليــه محجــبه ؟!؟!؟ 9/7/2010, 11:05 pm

مشكورررين للرد الجميل
منورين

موضوع: رد: انا ليــه محجــبه ؟!؟!؟ 21/7/2010, 12:09 pm

جزاك الله خير

يسلموو على الموضوع

موضوع: رد: انا ليــه محجــبه ؟!؟!؟ 29/7/2010, 4:00 am

Menawara ya 2otta