مدرسه " أم أسماعيل " لتعليم اللهجه المصريه ... حصريا و بالمجــــــان ..

أهلا بكم اعزائي السيدات و السيدات و السيدات و الساده فى مدرسه " أم اسماعيل " لتعليم اللهجــــــه المصريه
هههههههههه
هنبدأ معاكم تاته تاته ( وحده وحده و براحه ) عشان ننمى قدراتكم فى اللهجه المصريه

مع تحياتى صاحبه المدرسه / ام اسماعيل شخصياً ... أنا ... ههههههههههههه

اللغة المصرية الحديثة (المصري) هي لغه حاميه (افريقيه) بتنتمى لعيلة اللغات الحاميه-الساميه (الافرو-اسيويه) وهى المرحله الرابعه من اللغات اللي اتكلمها المصريين طول تاريخهم. المصرى لغه ليها لهجات كتيره و دواير لغويه بتوسع ساعات و بتضيق ساعات تانية و ممكن تتصنف اللهجات دى فى مجموعتين كبار يعنى اللهجه البحيرى (لهجة البحاروه-الفلاحين) و اللهجه الصعيدى (لهجه الصعايده). اللهجات دى مشتركه في حاجات كتير و خصوصا على المستوى النحوى و فى تأثرهم باللهجات القبطى المختلفه اللى كانت سايدة فى مناطقهم قبل الغزو العربى لمصر و فى لهجات تانيه زى الغجرى (لهجة النوار) و لهجة بدو سينا و لهجة بدو الصحرا الغربية بس دى لهجات بتعتبر مستقلة عن اللغة المصرى فى وادى النيل ، و على الناحيه التانيه بردو فى اختلافات بتميزهم عن بعضيهم. مصر فيها كمان جمب المصرى لغات تانيه مستقلة زى اللغة النوبى و السيوى و البجاوى.

اللهجه القاهريه

ودى اللهجه اللى بتستعمل فى القاهرة و الجيزه و القليوبيه و ليها قبول واسع من كل المصريين و بتتفهم في كل حتة عشان التليفزون و الافلام و المراكز الثقافية اللي في العاصمة المصرية . " ركزو عشان بتيجى كتير فى الامتحانات هههههههه "

المورفولوجيا/الصرفيات

صيغة المضاف اليه بتميل لاستعمال بتاع/بتاعة/بتوع للمزكر/المؤنث/الجمع على الترتيب.

صيغة المبنى للمجهول بتتعمل باستعمال البريفيكس إت- او إن- زي غُسِلَ (العربي) ← إتغسل او إنغسل (المصرى).

الكلمات/المفردات

اغلب الكلمات المصرية ليها جدور عربية بس دخلت عليها تغييرات في النطق و الجنس و فى كمان عدد كبير من الكلمات المصرية اللى من اصل قبطى زي (تاتا و امبو و إدّا و عنتيل و بعبع و بَحّ و يللا و بره و بـِخّْ و كلكع و كمان و كُحة و لقمه و قله و زير و تـَفّه و شأشأ و شبوره و جلابيه و ....). لهجة القاهرة استعارت بردو كلمات كتيرة من الانجليزى و الفرنساوى و الطاليانى و اليونانى و التوركى.
السينتاكس/النحو

*
ضمير الاشارة (دا, دي, دول) و ضماير الاستفهام (إيه, فين, إمتا...) بتيجي بعد المتشاور عليه و بعد المسئول عنه بالترتيب و دي خاصية بتشمل كل لهجات مصر و ممكن يتفسر وجودها بالتأثر بالطبقة التحتية القبطي اللي كانت سايدة في مصر، مثال:

*
الراجل دا (مصري) → هذا الرجل (عربي)
*
إسمك إيه؟ (مصري) → ما إسمك (عربي)

*
النفي بيحصل بـ حَط الفعل (و الاسم في اللهجات الصعيدي) بين أداتين نفي ما و ش ودي كمان نفس طريقة النفي في القبطي

*
ماشربتش (مصري) → لم أشرب(عربي)

*
الاسم الموصول اللي هوه اسم شامل و بيقابله في العربي 7 اسامى موصوله الذي،اللتي،اللذان و اللتان و اللذين و اللائي او اللاتي
*
الاعراب (تغيير نهايات الكلمات للدلاله على وظيفتها) مش موجود بالمره في المصري و لا القبطي و لا اللغات المصريه اللي قبل كدا. العربي فيه تلات حالات اعراب النصب و الرفع و الجر.

تحياتى ،،، أم اسماعيل ... Mrs.English هههههههههههههه
أنتظرو بقى اللهجه الاسكندرانيــــــه ... ف نفس الموضوع .... ،،، أم حدودو ... brave emy ... بتسلم عليكو ...
ههههههههههههههههه
و ان شاء الله يا جماعه اسالونا ف اى كلمه مصريه سمعتوها و مش عرفنها و احنا هنطرشق لكو ودانا و نجاووب

ان شاء الله الموضوع هيبقى هزار و فرفشـــــــــه و فنفس الوقت هنعلمكو اللهجه المصريه

و الفرفشه اهم حاجه ... هههههههههههههههههههههه

انا جيييييييييييييييييييييت
اه اى حاجة انتوا مش عارفانها قولوا
ههههههههههههههههههههههههههه
ام حدودو ماشى يختى
يله يا جماعه اتعلموا بقى لهجتنا
ميرسى يا بت يا بوسى
موضوع جامد
الى الامام يا لوزة

اللهجة الاسكندرانية
لهجه أجدع ناس

هي اللهجة بتاعة الاسكندرية و بتشبه لحد كبير اللهجة القاهرية بس في ميل لاستخدام صيغة الجمع في الكلام للمتكلم المفرد (ح نتستنوك = ح نستناك). و شوية كلمات معينة خاصة بيها زي, ماستيكا= لبان و القمة = الناصية و الجومة = الاستيكة.

لهجة البحاروة

و دي لهجة الفلاحين (المصريين في شمال مصر) و بتتفرع اللهجة دي لـ:

1. اللهجات الوسطانية: في المنوفية و الغربية و جنوب الشرقية و القليوبية
2. اللهجات الشرقية: بقيت مناطق الشرقية و الدقهلية
3. اللهجات الغربية: في البحيرة و حتت في الغربية و البرولوس وغرب المنوفية
4. اللهجات الشمالية-الشرقية: الدقهلية و حتت في الغربية و المنزلة

عندهم بقى يا بت = يا به ... و كلمه للتعجب بتبقى : اهيييه ؟؟؟
هناقشها بالتفصيل ان شاء الله ...

لهجة الصعايدة

لهجة الصعايدة هى لغة مختلفة معترف بيهاISO-639-3 (قانون المنظمه الدولية للتوحيد القياسى). الكود بتاعها هو (aec) و بيتكلّموها الصعايده فى صعيد مصر من جنوب القاهرة لحدود مصر مع السودان. مجموع المتكلمين: 18.900.000

*
و دي لهجة سكان جنوب مصر (الصعيد) و بتتفرع لـ:

1.
لهجات مصر الوسطانية: من اول حنوب الجيزة و بني سويف و الفيوم و المنيا
2.
لهجات الصعيد الجواني: من اول اسيوط و نجع حمادي لحد اخر اسوان.
3.
لهجات الصحرا الغربية: زي لهجات الواحات البحرية و الداخلة و الخارجة و الفرافرة.

و دى بقى فيها حرف الجيم بينطق مفخم
يعنى مثلا المثل الصعيدي المشهور ... جــزرة و قطمها جحش ! و ده معناه انتهى الامر او خلاص قرار و انتهى ... لا اخذ و لا رد فيه ...
و كمان حرف القاف بيطنطق جيم يعنى مثلا بقره تنطق بجره ...
كلمه الاكل بتتقال وكل ... و ينطق قبل الجيم المفخمه دال ... مثلا لما نقول يا حجه ... بيقولوها يا حدجه مع تفخيم الجيم
و كلمه " زى " فى اللهجه القاهريه الصعايده يقولوها " كيف "
و كلمه " كده " بيقولوها " اكده " ... و كلمه " ست " بتتقال " وليه " هههههههههههههه

نكمل بعدين ... !

طبعاً يا جماعه اى كلمه هتسمعوها و ما تفهموهاش
قولولنا عليها
و هنقلكو بس بشرط

الكلمه بتلت ريالات ف السعوديه
و بعشرين جنيه ف مصر

هتدفعو هنقول
مش هتدفعو ... هنلم اللهاليه بتاعتنا و نمشي ...
هههههههههههههههههههه
ها قلتو ايه ؟؟؟؟؟؟؟؟؟؟؟؟
الحق حق !

ههههههههههههههههههههههههههههههه
ميرسى يا وليه
كملى يا بوسى
موضوع جامد والله
يله يا موزة كملى
مزة يعنى معاكسه يا جماعه
يعنى شيك اوى وموزة
بصوا موزة يعنى موزة
او زوزة يعنى برده جسمها حلو وموزة كده يعنى
ههههههههههههههههههههههههههههههههههههههههههه
يله يا بت كملى

ههههههههههههههههههههههه
احنا كده هنعلمهم الصياعه مش اللهجه
استنى خلى الصياعه ف الاخر ...
هههههههههههههههههههههههههه

» اللهجه المصريه ... خش شوف ...
» اللهجه اللبنانيه
» أبو العبد أسماعيل هنيه .... رئيس وزراء السلطه الفلسطينيه ...
» اعرف اللهجه الجزائريه !
» موسوعة لتعليم اللغات علي موقع ويدعم استكمال التحميل