امثال مصريه من كتابتى .... ^_^

موضوع: امثال مصريه من كتابتى .... ^_^ 24/11/2010, 1:35 pm

ههههههههههههههه طبعا كلنا عارفين ان المصريين طول ما هم بيتكلمو بيقولو امثال ف انا هكتبلكو كام مثل كده ع الماشي

و قال ع رأى المثل ......

* أتلم تنتوون على تنتن واحد نتن و التانى انتن

* لو حبيبك عسل متلحسوووش كله

* اللى يتف تفه ع الارض مينزلش و يبلعها تانى ( يععععع هههههههههههههههههههههههههه )

* أقلب القدره على فُمها تطلع البنت لامها

* اللى معاه قرش محيره يجيب حمام و يطيره

* قال يا قعدين يكفيكو شر الجايين

* اللى ياكل لوحده يزور

* اطبخى يا جريه كلف يا سيدي

اللى بيته من ازاز ميحدفش الناس بالطوب*

* جااات الحزينه تفرح ملقتلهاااش مطرررح

* اصوم اصوم و افطر على بصله ؟

* من خرج من داره ينقل مقداره

* اللى ما يشفش م الغربال يبقى اعمى

* القرش لبيض ينفع ف اليوم لسود

* اللى يخاف م العفريت يطلعله

* يا خبر النهارده بفلوس بكره يبقى ببلاش

* من بره هالله هالله و من جوه يعلم الله

* اللى خدتو القرعه تاخدو ام الشعووور

* ان كان ليك حاجه عند الكلب قلو يا سيييييييدى

* اللى تفتكرو موسى يطلع فرعون

* مكتوب على ورق الجرجير الصغير ينقر فى الكبير

* انجز بالونجز ..

* اتلم المتعوس على خايب الرجى

* تي تي تي تي زى ما روحتى زى ما جيتـــــــــــى

* يا فرخه يا كيكيه اللى فيكى هاتيه فيا

* الحظ لما يواتى يخلى الاعمى ساعاتى و المكسح عجلاتى

* الحلو حلو و لو صاحى من النوم و المعفن معفن و لو استحمى كل يوم

* ابنك على ما تربيه و جوزك على ما تعوديه

* المتعوس متعوس و لو حطو على بابه فانوس

* قليل الاصل لا تعاتبو و لا تلومه ده زى البقعه اللى لا تطلع لابرابسو و لا بأومو ...

* ديل الكلب عمرو ما يتعدل

* انا و اخويا على ابن عمى و انا و ابن عمى ع الغريب

* احيينى النهارده و موتنى بكره

* ادلعى يا عوجه فى السنه السوده

* البيت بيت ابونا و الغُرب يطردونا

* نقول طور يقولو احلبوه !

* البقره بتولد ! الطور بيحزق ليه ؟ قال اهو تحميل جمايل !

* اللى يبصلى بعين ابصله بتنين

* من حبنا حبناه و صار متعنا متاعه و من كرهنا كرهناه يحرم علينا اجتماعه

* اللى على راسه بطحه يحسس عليها

* ابعد عن الشر و غنيله

* الباب اللى يجيلك منه الريح سده و استريح

* آدينى حيه لما اشوف اللى جايه

ههههههههههههههههههههههههههه كفايه كده لانى تعبت جدااااا
يارب تعجبكو امثالنا ... هى تضحك اووووى بس ادينا اتعودنا عليها و بنقلها ف المواقف اليوميه ...

ههههههههههههه .. كلها رائعه وجميلة..

وبارك الله فيك ..

وان شاء الله الى الامام..

دمتم بكل خير..

هههههههههههههههههههههههههههههه

ههههههههههههههههههههههههههههههه
وفقك الله

هههههههههههههههههه

يسلمو ع الطرح

ويعطيك العافيه

لك التقدير

» غرف نوم مصريه ...
» مصريه 100 × 100
» امثال حلوة بالانجليزيه ...
» لو لم أكن مصريه لوددت أن اكون مصــــــــريه ... معلومات عن مصر الغاليه !
» ألف مبروك للشبيبه الجزائري الفوز .... من مصريه قلبها ابيض ...

صفحة 1 من اصل 1